أخبار عاجلة
الرئيسية / مواهب / قصيدة “في الزيارة”..بقلم زينب ممدوح

قصيدة “في الزيارة”..بقلم زينب ممدوح

مش شرط شروخ الضهر وكسورها تكون علة
شروخ الضهر.. شرود الفكر.. صعود السلم بدون اهداف.. حمول بالكوم تغطي اكتاف
فموت الاب..
بيكون الوجع بيكب علي اللقمة وهو مش فيها
وع الضحكة اللي كان زمان سبب فيها
وعن دمعة ماحد ماسحها غير ايده
وعن لامعة تبان ف عينه اذا وطيت بوست علي ايده
وعن ضربة بحنية اذا كررت اخطائي
انا اخطائي محتاجة لحنية
ايوة..
اكيد امي مابتفوتهاش ولالحظة ف تربية
ولكن وجودك كان ساند مش بس كتافنا
ده كان ساند عمدان البيت..
وعن ركعة اذا فاتت يكون الخصام لادد
ياترا دعانا الفجر بيوصلك ؟!
محافظين كلنا ع الفجر
ورغم البعد ورغم الهَجر
تكون ساكن ف افكارنا
ابويا يا كل راس مالنا
بنطبق كل الوصايا السبع
فيصبح بيتنا ماء من نبع
وعمر السبع مايخلف غزال خايف!
اكيد حاسس اكيد شايف
طب فاكر يوم التورتاية وشنط لهدوم فيها لبس جديد كان داخل عيد
وظروفنا يوميها ماكنتش بتسمح بجديد
ودخلت علينا بعلبة كحك حسينا يوميها ان انت العيد
طب فاكر امي قالتلك ايه!
انا فاكرة يوميها قالتلك ايه
يا ابو العيال الحمل ذاد والصبر سلم نمرته
مين بعد العيد هيشيل معنا مهمته
ده الصبر سلم نمرته!
رديت وقولت بكل ضحك أيوة سلم نمرته حتي ادهاني دي كلميه.. ^.. ^
قضينا عيد كان لينا بس
لسه هدومك ف الدولاب عملالنا حس
عايزة اقولك ان روحك وان دمك حتي خوفك وان فرحك لسه عايش وان حسك لسه باقي ف اللي باقي م السنين..
حتي صحبك اللي فوتوا من سنين
لسه ع القهوة بيحجز كرسي ليك
وبيطلب قهوتك مظبوطة
بعتلك معايا انك وحشته وبيقولك ما كفايا غياب
وان الوحدة غدارة كشرت ع الناب
كفايا غياب
ان نومتك ف التراب لاتعني انك اصبحت شيء يشبه سراب
لسه بتعمر قلوبنا بالكلام وف قعدة حلوة
تكونلها انت السلام

ايه!! اكيد طبعاً
ديدومها امي يا زين مااختارت
بتضرب ف الحيطان والارض عشان تُستُر وتتستر
اكيد موتك غلبها اكتر
ادعيلها تحقق امانيها
وتستر اخواتي البنات
اللي جاي كله عايز واحدة تتحلي بثبات
الساعة كام.؟!
انا اتأخرت يا عيوني
كل كلامي مش هيخلص ف قاعدة واحدة
اللي عندي محتاج سنين مش ساعة واحدة
السلام عليكم دار قوم مؤمنون
انتم السابقون ونحن بكم اللاحقون
السلام عليك.. ايها الاب الحنون
الرحمة عليك والجنة اكيد مكتوبة ليك مع السلامة يا صديق🙋

——————————————-

عزيزي القارئ،

يمكنك تقييم الموهبة عن طريق التعليقات بالأسفل.

شاهد أيضاً

رسالة شعرية “إلى نور عيني امي”

بقلم _ امل عبود :- وان خانقتني كل دهوري وان اتلف الحزن بعض شعوري سأبقى …

العمل المدمر..قصة “خالد فخر الدين”

ما ان خُطت كلمة النهاية، و قفز القلم متحررا من قبضة ألبرت حتى أخذ هذا …

ابويا..بقلم “زينب ممدوح”

المرض اللي ف جسم ابويا والراقدة الماسكة ف جلابيته ومعافرة كل يومين ف ازاي هينام …

تالنت كيدز و فويس باند تقيم اول حفل غنائي اون لاين اليوم

كتب _ خالد حماده:-   تحت ضيافه ” ذا رووم” اقيمت اليوم الحفل الغنائي الاول …

فرقه تالنت كيدز تستعد لحفل اون لاين بقيادة المايسترو اسلام جاد 

كتب _ خالد حمادة :-    تحيي لاول مرة أكاديمية تالنت كيدز بقيادة اسلام جاد …

تعليق واحد

  1. احسنتي ومن نجاح لنجاح

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *