أخبار عاجلة
الرئيسية / مواهب / “يجوز”..بقلم زينب ممدوح

“يجوز”..بقلم زينب ممدوح

كان مرة ديكارت زمان بيقول
ما طالما الإنسان موجود ينولد الشك معاه ويدوم الشك وطبيعى الانسان بيموت ..
وسط الملكوت
والدنيا سكوت
عقلى الباطن ورانى نفسه
كشر عن نابه وعن ضرسه وسألنى إن كنت انا مؤمن او كافر
مش عارف🤷‍
بس انا مش كافر
على كتف الحيطة اللى قصادى صورة العدرا
وعلى اليمين صورة يسٓ
مكتوب فى بطاقتى انى يهودى
محتاج اتأكد لوجودى!
لا انا شيخ ولا ملحد ولا قديس بس ..
شكلى انا إبليس..
انا مين ولفين رجلى هتسحبنى لبحر السين..
انا عارف ان اسألتى كتير
ازاى الطائر بيطير مع انه غشيم ! دايما يصطادوا البنى ادم
وازاى الحيوان بينام
و ازاى الدنيا بتتكون من 6 ايام ؟
و ازاى راح انام ودماغى من التفكير هتشت
فى الدنيا سكنت!
لا
فى القبر انا نمت!
لا
انا واد انا بنت ..
يجوز أنه مجرد كابوس!
وايد امي هتنجدني من التوهة وم التفكير..
او انى اسير فى علم الغيب وبلعب وييا الدنيا سيب وانا اسيب ولما بسيب… بسيب روحى وبركنها فى ركن بعيد فتتلم على جروحى
وتلضمها ف شخص شريد!
وليه الوقت ماسك سيف
ما يمكن كله اصلا زيف ..؟
ما يمكن دماغك مؤلف عظيم وصور لنفسك بأنك اكيد ..!؟
وايه الجديد فى كونك اكيد او مش اكيد!؟
طب ما يمكن مفكش دماغ من اساسه وانك هوا!
و يمكن صحيح يكون عضو فى حظيرة و واقف طابور بيشبه مسيرة ..
بشكك ! بشكك فى نومى ويومى وسلامى كلامى ..
يجوز أن شكي كله فشوش مركب لكل اللى حواليا وشوش مصورلى بإنى الحنين
يا عينى ..
وكل اللى حواليا هم الوحوش
ماوارد العالم ده كله حكاية بتسمعها وانت ف قعدة حشيش!؟
ياريت كان مفيش ! بتنهد تنهيدة طويلة مليانة كسور مليانة حيرة
وكسور الروح لا تصلح ابدا ابدا لجبيرة..
ولقيتنى لوحدى على جزيرة ..
واخينا بيقول شاف نفسه بييجى على نفسه ومصمم يكسر من نفسه
والنفس ان آمرت بالسوء م
الفرح عمرك ما تدوق
وانا آمرت نفسى عليا خلاص
يكفيكوا ..
يكفيكوا شر الوسواس


عزيزي القارئ،

يمكنك تقييم الموهبة عن طريق التعليقات بالأسفل.

شاهد أيضاً

رسالة شعرية “إلى نور عيني امي”

بقلم _ امل عبود :- وان خانقتني كل دهوري وان اتلف الحزن بعض شعوري سأبقى …

العمل المدمر..قصة “خالد فخر الدين”

ما ان خُطت كلمة النهاية، و قفز القلم متحررا من قبضة ألبرت حتى أخذ هذا …

ابويا..بقلم “زينب ممدوح”

المرض اللي ف جسم ابويا والراقدة الماسكة ف جلابيته ومعافرة كل يومين ف ازاي هينام …

تالنت كيدز و فويس باند تقيم اول حفل غنائي اون لاين اليوم

كتب _ خالد حماده:-   تحت ضيافه ” ذا رووم” اقيمت اليوم الحفل الغنائي الاول …

فرقه تالنت كيدز تستعد لحفل اون لاين بقيادة المايسترو اسلام جاد 

كتب _ خالد حمادة :-    تحيي لاول مرة أكاديمية تالنت كيدز بقيادة اسلام جاد …

تعليق واحد

  1. بحب اقرألك ومبسوطة بقصايدك ومستنية الي جاي.. ربنا يوفقك وانتي حد تالنتد ماشاء الله❤

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *