أخبار عاجلة
الرئيسية / مواهب / “الغرفة 103”..بقلم زينب ممدوح

“الغرفة 103”..بقلم زينب ممدوح

الحالة دي جديدة
رافضة الكيماوي لجسمها البنت دي عنيدة
واقفة بتفرد شعرها
وتقول محدش قدها
لا المرض ولا كيماوي يهدها

كان عندها طاقة كان عندها احلام
كلامها بس لوحده يستاهل يتعرض افلام

طولها بتاع 150 ولونها خمري
وجسمها بس مسرطن
اما روحها دي حكاية
ضحك ..ومقالب واهو الله غالب

كانت لما تحس بوحدتها تفتح اوضتها
لا تفتح اوضنا كلنا
تجري وترقص وسطنا
البنت دي كانت علاجنا كلنا

كان يوم خميس عيد ميلاد سامح صاحبنا ف غرفة 104
غرفة حزينة مربعة
بتضيق عليه ويا المرض
كانت بتكره الاكتئاب
فاقت ليلتها وزينت كل البيبان
عزمت دكاترة.. ممرضين
الكل لبي للندا
كُنت اول مرة اشوف سامح صاحبنا وهو طاير م الفرح
البنت دي كانت فرح

كانت بتسمع همنا
تضحك بصوتها الانثوي
وتقول.. محدش عاش سوي

البنت عاشت وسطنا بالظبط ست سنين
بس المرض ماسألش هو رايح عند مين !
كان الكيماوي يهدها
وف لحظة وقع شعرها
كان الامل بيحبها
كانت اوضتها تحبها
حتي الكيماوي كان حزين وهو داخل جسمها

كان يوم شتا اول يناير
متجمعين كلنا حولين سريرها مدفين الدنيا حوليها
كانت بتحكي تقولنا اجمل سنينها وسطنا
لو رجع الوقت وخيرها بين الحياة وبين المرض تختار مرضها لاجلنا

البنت واعية ومش هنا
واقفين نكلم ربنا
ماسكين كلنا ف ايدها
ندعي بصوت واحد يارب تنجدها
يارب تنجدها
فارقت حياتنا كلنا
ياوردة كانت وسطنا

سابت لنا رسالة علي باب اوضتها
بتقول
الي كل اللي هيقوموا
ويبقوا شداد ..
معاد الزيارة كل يوم اتنين
ياريت تيجولي وقت دخول الليل
نوروا الفوانيس ورصوها حوليا
ورشوا ماية وهاتوا ورد
والكل يحكي
روحي حاضره وسطكم وهتسمعه
والله حاضره وسطكم وهتسمعه
نهت حوارها ف الرسالة بضحكة صافية
نفس ضحكتها الرقيقة
يا وردة الجنة الجميلة
*هتوحشوني كتير اوووي*
ابقوا اسألوا
واهي دي يا ستي حكاية الغرفة الحزينة
حمدلله علي سلامتك يا محاربة يا عظيمة


عزيزي القارئ،

يمكنك تقييم الموهبة عن طريق التعليقات بالأسفل.

شاهد أيضاً

رسالة شعرية “إلى نور عيني امي”

بقلم _ امل عبود :- وان خانقتني كل دهوري وان اتلف الحزن بعض شعوري سأبقى …

العمل المدمر..قصة “خالد فخر الدين”

ما ان خُطت كلمة النهاية، و قفز القلم متحررا من قبضة ألبرت حتى أخذ هذا …

ابويا..بقلم “زينب ممدوح”

المرض اللي ف جسم ابويا والراقدة الماسكة ف جلابيته ومعافرة كل يومين ف ازاي هينام …

تالنت كيدز و فويس باند تقيم اول حفل غنائي اون لاين اليوم

كتب _ خالد حماده:-   تحت ضيافه ” ذا رووم” اقيمت اليوم الحفل الغنائي الاول …

فرقه تالنت كيدز تستعد لحفل اون لاين بقيادة المايسترو اسلام جاد 

كتب _ خالد حمادة :-    تحيي لاول مرة أكاديمية تالنت كيدز بقيادة اسلام جاد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *