أخبار عاجلة
الرئيسية / نجوم الفن / ملكة جمال محجبات مصر لعام 2016 (تم سرقتي وأستغلالي)

ملكة جمال محجبات مصر لعام 2016 (تم سرقتي وأستغلالي)

تقرير : آية جويلي

صرحت “سارة حورية” ملكة جمال محجبات مصر لعام 2016 علي صفحتها الرسمية على فيسبوك، تقر وتوضح وتكتب (بيان مهم جدا بصفتي و شخصي، بصفتي ملكة جمال محجبات مصر للعام 2016 ، وبشخصي المتواضع “سارة حورية”، جه الوقت اللي اوضح فيه حقائق مهمة جدا ودا لحماية صفتي ولقبي وشخصي ولحماية من بعدي.”

خصوصاً بعد ما التجاوزات فاقت كل الحدود، وأوضحت (مفيش حد بيتعلّم ببلاش أنا تعرّضت لسلبيات كتير اوي هوضحها كلها).

(لكن في البداية حابّة أذكر الحقائق و الإيجابيات اللي شفتها في موسم 2016 اللي حصلت فيه علي لقب ملكة جمال الحجاب، أولا: “المسابقة كانت مدعمة من أكتر من جهة، وكان في تنظيم كويس جدا و شفافية في اختيار الصفات والقبول للتقدّم للمسابقة، وكانت تحت تغطية قناة ال “MBC” وكانت لجنة التحكيم لا يشوبها اي “Bias”، والكلمة دي مفادها هنا باختصار ان الحكام ملهومش اي مصالح شخصية وميعرفوش المتسابقات وبيختارو الملكة بكل شفافية وحيادية بلا أي نيّة أو استفادة أو ميل لأي متسابقة.

وحصلت علي اللقب وتم تتويجي و لله الحمد، واللي يعرفني كويس هيعرف أنيّ أضفت للمسابقة بعد حصولي علي اللقب وكنت ومازلت صورة مشرّفة لملكة جمال مصر وليس العكس وأضافت: “مش المسابقة اللي أضافتلي أنا اللي أضافتلها”.

وتم استضافتي وتكريمي في مختلف البرامج التليفيزيونية ومازلت أمثل شخصي المتواضع وصفتي ولقبي بشكل مشرف لنفسي وللمجتمع ولأيقونة الحجاب.

لكن أقولكم حصل معايا، أولا: زي أي مسابقة الفائز فيها بيحصل علي هدايا وترقيات معينة بتكون متجهّزة من المؤسسات و الأشخاص الداعمين للمسابقة، ودي بتكون عبارة عن هدايا معينة (بغرض الدعايا لهذه المؤسسات والاحتفال بالفوز باللقب)، وكانت الهدايا وتم عرضها وتصويرها أمام الجمهور، وكان المفروض هحصل عليها كالتالي ( أي فون – سفر حول العالم للبلاد الإسلامية – ملابس من براندات معينة كانت تدعم الاحتفال واكتر من حاجة زي سبا و جلسات اسنان…. وهكذا حاجة تم الاعلان عنها في الايام الاخيره قبل اعلان النتائج)، و لم أحصل علي أي شيء منها علي الإطلاق وانما إلي علمي أنه تم الاستيلاء عليها و مش حابة أذكر مين اللي احتال و استولي عليها، لكني لم أحصل عليها.

بالإضافة لذلك تم استغلالي اكون في لجان تحكيم وغيرها بلا أي مقابل مادي (انا مش محتاجة) لكن تم استغلالي بطريقة أو اخري، لذا امتنعت عن حضور بقي لجان التحكيم ورفضت ظهوري في حفل الختام.

والآن.. بعد ما عرفت ان المسابقة بقا يشوبها المزيد والمزيد من الاستغلال سواء للمتسابقات او للداعمين لكسب مصالح شخصية، وبقا يشوبها كسب مادي باسم الحجاب، و لما عرفت ان اللي بيحصل معايا حصل كمان بالظبط مع غيري.

فأصبح واضح للجميع أن وراء المسابقة فساد واستغلال ومكاسب في نظري غير مشروعة، وانا بصراحة خايفة يتطور الفساد لشراء لقب ملكة جمال الحجاب بالمال.

فأنا أدعو بصفتي وشخصي لبحث هذا الأمر بجديّة لاستمرار المسابقة بالشكل المحترم اللي تعودنا عليه وبشكل يليق بالحجاب لأن ما يحدث الآن لا يليق بالحجاب علي الإطلاق، أنا لا أطالب بحقي المنهوب، ولا أطالب باعتذار أطالب بتوخي الحذر وبحث الأمر أو توقفه لترميمه وإصلاحه، وآسفة لكل الملكات من بعدي لذين تضرروا بسبب سكوتي من وقتها، لكني كنت فاكرة ان اللي حصل معايا مجرد سوء تنظيم أو سرقة غير مقصودة.

لكن انا قررت اتكلم دلوقتي من باب الأمانة لما عرفت ان اللي حصل معايا كان مقصود ومترتب (أن يتم سرقتي و استغلالي).

وتوالت التعليقات على البوست كانت تعليقات سارة حورية (انا حرفيا مستفدتش من المسابقة ولا عايزه استفيد ولا لازمني استفيد، انا داخله المسابقة دي لهدف معين ورساله وبأديها ومازلت حأديها، ومش لازمني حاجة من حد، والكل عارف ده
للعلم)، واتهمهوها في تعليقات ان كل كلامها شو واتى تعليق ردا عليها (هو بس اسف ل سؤالي، هو حضرتك مقتنعه ب الكلام دا.. (ملكه جمال المحجبات وكدا)… ولا دا شغل شو… التدين لا يختلط… والمبادئ لا تتجزأ… افيقي م غفلتك.. يهديك الله.. او يرحمك ب رحمته ف رحمته وسعت كل شئ… ولا تقنطي م روح الله.. وتوبي الا الله.. ف هذه بدعة، بتقولي ليهم اتحجبوا عشان تتشهروا والاضواء تتسلط عليكم.. وأما يكون الحجاب بقى وسيله واداه ف يد منتفعين وغايه للوصول ف طبيعي جدا هتلاقي كتير نفوس مريضه جدا دخلت الموضوع وتتحجب ووميكاب كامل وتبقى فله شمعه منوره وبعد الشهره تلاقي ما خفي وكان أعظم.. وعندها سينظر الناس الا أفعالها ويربطو نها ب الحجاب والتدين.. وستتحملي الوزر والآثم معهم.. الحجاب والنقاب لا يكون إالا عن اقتناع كامل م الداخل ب انه م واجبات الإيمان وعدم تشييع الفحشاء ول حفظ المرأه المسلمه المؤمن… مو م اجل مسابقه وشغل رخيص للدنيا.. ونسيان الاخره.. ارجو م سيادتك تقبل وجهه نظري ورأي الذي يحتمل الصواب و الخطأ.. وشكرا ع رد حضرتك الراقي.. دمتم واقعيين أأمنيين.. ب حفظ الله وأمنه)، وعلقت ايضا ردا عليه (انا مشهوره من قبل ملكة الحجاب
وكنت بطلع وباخد جوايز ومسابقات وبيستضفوني في اكتر من مجال مثل الرسم والطب، الذي يبحث عن الشهره يبحث، والحجاب لا يتعارض مع الشهرة، ولا يتعارض مع احلام اي بنت ايا كانت ايه وبند الشهرة، ممكن ياخدوه من الرسم او الطب او الاعلام او لقب
كل واحد حر وكل واحد مسؤول عن تربيته، انا ما علي غير ان بشجع اللي قدامي وبعرفه بيا وبحاول اوصل لاكبر عدد من الناس ويحبوني عشان يتقبلوا مني كلامي، وانا متقبلة جدا وجهة نظرك وبقدرها وبحترمها وعلى راسي)، وانتهت المناقشة وتوالت التعليقات منها المدعمه لها وبجانبها، ومنها اتهامات لها بشهادات الزور والقول الباطل وشخصيات ضدها، وظهر من هم مؤيدين لها ومن هم معارضين.

شاهد أيضاً

“إسلام يحيي” ضيف (ترند) الأربعاء المقبل

كتبت : آية جويلي صرح كلا من الفنان “إسلام يحيي” والمذيعة “منه عبد العليم” على …

الشاعر حميد الصديقي يستعد لكتابة اغنية جديدة لبهاء سلطان

كتبت _ هدي العيسوي:-   يستعد الشاعر حميد الصديقي لكتابة أغنية جديدة للفنان بهاء سلطان …

سعيد سيف حمرعين: تكريمي من مهرجان الكتاب العربي بالقاهرة شرف

كتبت _ هدي العيسوي:-   قال الكاتب الصحفي سعيد سيف حمرعين إن تكريمه في مهرجان …

“مصطفى هريدي” يبدأ تصوير أولى مشاهده فى (فلانتينو)

كتبت : آية جويلي بدأ الفنان “مصطفى هريدى”  اليوم، تصوير أول مشاهده في مسلسل “فلانتينو” …

“منه عبد العليم” للقاهرة نيوز الراديو بالنسبالي حياه

حوار : آية جويلي “منه عبد العليم” تبلغ من العمر ٢٠عاما مواليد محافظة القاهرة، يعتبر …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *