القاهرة نيوز | El-qahra news نحمل كل جديد
مقالات مشابهة
شعر _ محمد عبد المنعم
خايف ف يوم بالصدفة اشوفها
وساعتها بس هاعمل ايه
لو جت عينها ف عينيا
ويا هل ترى عايشة بخفها
ولا البعاد خدت عليه
ولا هترمي اللوم عليا
لكن بقالي سنين واقف لسة ف مكاني
طالم ولا انا مظلوم ضحية ولا الجاني
واللي يسالني يقولي بعدتوا ساعتها ليه
تنزل دموعي منى ودا ردي عليه
واقول كانت ظروف
ولو عيوننا اتقابلت من بعد سنين فراق
هيبان اكيد عليا وتشوف هي ف عينيا
واحد بالاسم عايش ودايب اشتياق
وياريت اللحظة دي ما تعدى ف يوم عليا
يا زماني اعمل معروف
ومش حمل عتاب
ولا اناوي اني حتى اقلب ف الدفاتر
خلاص مش من نصيبي وانا لحد غيرها
خلاص قفلت باب
الذكرى تجيني منه وهاعمل فيها شاطر
واقول دا ماضي مات وعمري ما افتكرها
باتكلم ع المكشوف
