أخبار عاجلة
الرئيسية / مواهب / قصيدة “ساعات”

قصيدة “ساعات”

بقلم _ اسامة ايمن اسعد:-

 

ساعات اللي حاصل

ف قلب الحياة

يوصل جوارحك

بإنك تموت

تفكر و تقعد تعيد

اللي كان

ف تشعر بإنك

مسقط خيوط

و لسا انت باقي

ف عمرك كلام

و قابل ذنوبك

و فعل الحرام

و كونك مكنتش

ف نفسك تمام

مخلي الشجاعة

لموتك مفيش

و تفضل تفكر

و تفضل تعد

هتفضل بتنقص

ومش مستعد

و تفضل مجرد

مجرد كلام

لحد اما تكبر

و توصل لجد

ساعات انبهارك

بحفنة حاجات

بيربط فؤادك

بلهفة و وداد

و تشعر بإنك

ف نفسك

بشوق

تسافر وراهم

لآخر بلاد

و اول م تملك

ايديك الحاجات

بتصبح ف أيدك

ف ركن العادات

و كل انبهارك

يسيبك ..يروح

و تلعن حياتك

لحد الممات

ساعات إرتباطك

بأمك يروح

و تفضل معاند

بروحك بعيد

ووقت اما

تصبح نهاية

 المطاف

بتحلم تعاود

و تصبح جديد

و لكن ف موتها

بتلقي الحياه

بتخلص..و تخلص

و تفضل تضيق

فيكسر حنينك

إليها الفؤاد

و يبقى إشتياقك

بحق و حقيق

ساعات

الحقيقة

بتغلب ظنون

و تغلب طريقتك

ف فهم الحياة

في عمرك

بترسم لنفسك

طريق

و تكشف بإنك

بتغلط معاه

فتعرف بإنك

خسرت اللي

كان

و تعرف بإنك

كسرت اللي فات

و عمرك يلخص

وجودك

عليه

ف حفة مواقف

و حفنة ساعات!!!

شاهد أيضاً

رسالة شعرية “إلى نور عيني امي”

بقلم _ امل عبود :- وان خانقتني كل دهوري وان اتلف الحزن بعض شعوري سأبقى …

العمل المدمر..قصة “خالد فخر الدين”

ما ان خُطت كلمة النهاية، و قفز القلم متحررا من قبضة ألبرت حتى أخذ هذا …

ابويا..بقلم “زينب ممدوح”

المرض اللي ف جسم ابويا والراقدة الماسكة ف جلابيته ومعافرة كل يومين ف ازاي هينام …

تالنت كيدز و فويس باند تقيم اول حفل غنائي اون لاين اليوم

كتب _ خالد حماده:-   تحت ضيافه ” ذا رووم” اقيمت اليوم الحفل الغنائي الاول …

فرقه تالنت كيدز تستعد لحفل اون لاين بقيادة المايسترو اسلام جاد 

كتب _ خالد حمادة :-    تحيي لاول مرة أكاديمية تالنت كيدز بقيادة اسلام جاد …

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *